Cinzas EP Os John Deeres

Co seu novo EP, Cinzas, nestes tempos convulsos para todo o mundo, pero tamén para eles como banda, Os John Deeres rexurden das suas cinzas. Pero non coma a ave Fenix, que non son tan flipados, mais ben coma a señora que foza na lareira para ver se queda un rescaldo co que acender un carozo e facer lume de novo.

Así, Cinzas conecta todos estes anos de traballo con novos horizontes, coma un punto e á parte para seguir escribindo a súa historia. Son catro temas nos que contan cunha chea de colaboracións e nos que rescatan ideas que non querian deixar de lado antes de pasar a novos proxectos.