CLN Prods lanza o seu novo proxecto ‘Del Tirón’

cln

CLN Prods, outro exemplo de apoio a música local

CLN Prods son unha asociación cultural nada na Galiza, formada por artistas de diferentes ramas. O que fan é dar a coñecer as creacións artísticas e a música local, ademais de organizar eventos e fomentar a actividade cultural.

Dende hai uns meses lanzaron un novo proxecto ao que chamaron ‘Del Tirón’, onde visibilizan e promoven artistas que están no auxe do panorama musical actual, algúns deles como Grande Amore, Law ou ao gran Ortiga.

Nestes one shots, o formato escollido para presentalos, os artistas presentan cancións inéditas ou ben fan algunha versión dalgún tema que xa publicaran.

O último capítulo, con Nadie González deu moito que falar, xa que esta rapaza veu para ‘Cambiar algo’ como di o seu último single. Leccións de actitude, valentía e ferocidade. Estamos seguros de que chegará lonxe con eses ingredientes, ao igual que os compoñentes de CLN Prods, que se atreveron a apostar por os novos talentos e a música locais.

Na súa canle do YouTube podedes atopar todos os episodios do seu novo proxecto e tamén no seu Instagram. E coma sempre máis actualidade na nosa sección de novas.

Comparte a publicación

Share on facebook
Share on twitter
Share on whatsapp
Share on telegram
Share on email

Deixa un comentario

Deixa un comentario